Фото: Дарко Костовски
Во свечена атмосфера, македонскиот олимписки херој Дејан Георгиевски, освојувач на сребрен медал од Летните олимписки игри во Токио, имаше чест прв да го запали олимпискиот оган на Европските младински олимписки игри што се одржуваат во Скопје.
Македонското олимписко таеквондо се етаблира како најуспешниот индивидуален спорт во земјава, со континуирани резултати на европско и светско ниво. Вечерта во Скопје беше уште едно потсетување на успехот, трудот и посветеноста што стојат зад овие резултати.
Настанот ја означи и официјалната добредојдeница за младите спортисти од цела Европа, кои ќе се натпреваруваат во различни спортови во рамки на најголемиот континентален спортски собир за млади.
