Фото: Принтскрин
Ќерката на познатиот македонски актер Гоце Тодоровски, Сашенка Тодоровска, преку емотивна објава на социјалните мрежи го искажа своето длабоко разочарување од начинот на кој државата се однесува кон нејзиниот татко – уметник со богата кариера, кој оставил траен белег врз македонскиот театар и филм.
Во својата порака на „Фејсбук“, таа реагираше поради тоа што, и покрај влошената здравствена состојба на актерот и бројните награди и признанија кои ги добил за животниот придонес во културата, Тодоровски сè уште не е добитник на национална пензија.
„Легендо моја и на целиот македонски народ! На фотографијава си на почетоците на твојата кариера, половина век го посвети на народот, пораснаа со тебе луѓето на врвот, татко мој. Национална пензија не ти дадоа, само признанија, наградички за животни дела, колекционер на хартија стана, зарем не е срамота? Народот е во заблуда, Гоце Тодоровски живее од пензија 36 илјади денари. Зарем зависиш кој е на власт? За пола век на сцена, немам коментар, болката твоја ме боли, татко мој ме боли што се даде безусловно, те делев цел живот со македонскиот народ, и сè уште даваш иако здравствено не си добар. Милостина бараш од истите тие кои ги порасна, а не си заслужен за достоинствен живот, секоја чест за културната политика. Срам врз срам, се што е квалитетно нема вредност повеќе“, напиша таа.
