Фото: Принтскрин
Премиерот Христијан Мицкоски во своето гостување во емисијата „Само интервју“ на телевизија Канал 5 ја потенцираше определбата на Владата за принципиелност и владеење на правото, без разлика на тоа кој е инволвиран.
Тој истакна дека институциите не се насочени само кон една општина, туку дека Министерството за внатрешни работи (МВР), заедно со Јавното обвинителство (ОЈО), веќе постапуваат или ќе постапуваат и во други општини низ државата, секогаш кога ќе се поднесат соодветни пријави или ќе се утврди постоење на елементи на кривично дело.
„Прво, Изет Меџити никогаш нема да се налути ако е свесен дека некој прави кривично дело, а ако тоа го направи, нема да биде никогаш мој соработник, а е соработник, што значи дека не само што нема да се налути, туку нашата цел како Влада, прва точка на спојување е борбата токму против тоа, против потенцијалната корупција. Секој којшто има различна амбиција не може да биде мој соработник“, кажа Мицкоски.
