„Доктор“ измамил жена – ѝ земал 1,3 милиони денари за наводна операција на ќерка ѝ

Во попладневните часови на 17 јули 2025 година, 68-годишна жена од Скопје пријавила во СВР Скопје дека била жртва на измама, при што изгубила околу 1.300.000 денари.

Според наводите во пријавата, околу 15:30 часот ѝ се јавило непознато машко лице, кое се претставило како лекар од Градската општа болница. Во телефонскиот разговор ѝ било соопштено дека нејзината ќерка наводно доживеала сериозна несреќа и дека ѝ се потребни итни хируршки интервенции. Лицето ѝ рекло дека за операцијата веднаш треба да се обезбеди голема сума пари.

Во паника и загриженост за ќерката, жената се согласила и ја предала сумата на лице место договорено со наводниот лекар. Дури откако ја извршила трансакцијата, сфатила дека станува збор за измама и веднаш го пријавила случајот во полиција.