Судењето против Раде Трајковски – познат под прекарот Штекли, кое се води по обвинение за трговија со дрога, денеска беше одложено поради нагло влошување на неговата здравствена состојба.
Обвинетиот бил во неконтактибилна и дезориентирана состојба, по што со возило на Итната медицинска помош бил итно префрлен на Клиниката за неврологија во Скопје.
Судијата Илија Трпков изјави дека уште во текот на вчерашниот ден Трајковски пријавил здравствени тегоби, по што во притворската установа било повикано медицинско лице за интервенција.
