Фото: Принтскрин
Највисокото црковно тело на Православната црква во Америка (ОCA) официјално ја признало канонската положба на Македонската православна црква – Охридска архиепископија, воспоставувајќи целосно евхаристиско единство со нејзината јерархија, свештенство и верен народ.
Ова историско признание беше објавено од Архиепископот на Вашингтон и Митрополит на цела Америка и Канада, г.г. Тихон, во рамки на неговиот извештај поднесен на 15 јули 2025 година пред 21-от Сеамерикански црковен собор, кој оваа недела се одржува во градот Феникс, Аризона, САД, пренесува „Литургија.мк“.
Со оваа одлука, Македонската православна црква – Охридска архиепископија добива значајна потврда на својата црковна автокефалност и полноправно учество во православната заедница на американскиот континент.
