Фото: Принтскрин/Инфомакс
Градоначалничката на Скопје, Данела Арсовска, јавно ги негираше тврдењата на европратеникот Андреј Ковачев дека поседува бугарско државјанство.
Во синоќешното гостување во емисијата „Тешки муабети“, Арсовска директно одговори на обвинувањата, нарекувајќи ги „невистини што се користат за политички цели“.
„Јас од раѓање имам чешки пасош, мајка ми е Чехиња, имам македонски и чешки пасош, немам бугарско државјанство ама еве и да имав, не треба да ме заштитат? МВР е должно да ги штити сите на територијата на Град Скопје, дури и да се бугарски државјани, а јас не сум бугарски државјанин“, вели Арсовска.
