Фото: Принтскрин
Голем дочек се подготвува за младиот музички херој Никола Станишиќ – гордоста на цела Македонија! По неговиот триумф во престижното музичко натпреварување, време е да му оддадеме чест како што заслужува – со песни, аплаузи и искрена поддршка од срце.
Во петок, на 11 јули 2025 година, сите патишта водат кон Паркот во Ѓорче Петров, каде од 19:00 часот ќе започне свечениот настан посветен на Никола. Ќе ја слушнеме победничката изведба која ја освои публиката ширум Балканот и ќе ја споделиме радоста со него во едно незаборавно заедничко доживување.
„Очекувајте вечер исполнета со емоции, музика и гордост! Да покажеме колку значи поддршката од народот и да му приредиме дочек достоен за шампион“, објави градоначалникот на Општина Ѓорче Петров, Александар Стојкоски.
