Фото: Принтскрин
Денеска, 10 јули 2025 година, Секторот за внатрешни работи Струмица поднесе кривична пријава до Основното јавно обвинителство во Струмица против 57-годишниот З.Ч. од селото Ново Село, општина Ново Село.
Лицето се сомничи за извршување на кривично дело „насилство врз дете“, казниво согласно член 201-а од Кривичниот законик. Пријавата е резултат на спроведената истрага и собраните докази кои укажуваат на основано сомневање дека пријавениот бил инволвиран во насилничко однесување кон малолетно лице.
„На 08.07.2025 во дворното место од куќата на пријавениот во село Ново Село, тој насилно се однесувал кон неговата 11- годишна ќерка, која живеела со пријавениот, кој по разводот со неговата сопруга, односно со мајката на детето, е нејзин старател. Тој насилството го снимил со мобилен телефон.
Веднаш по објавување на видеозаписот на социјалните мрежи, од страна на полициски службеници од СВР Струмица се преземени мерки, откриен е сторителот и тој е повикан во СВР Струмица, каде во службен разговор го признал делото“, објави МВР.
