Фото: Принтскрин
Во Европскиот парламент денес се одржува гласање за Предлог-извештајот за напредокот на Република Македонија, изготвен од австрискиот европратеник Томас Вајц, кој е специјален известувач за земјата.
Расправата по документот започна уште вчера, а дебатата доби засилена тежина поради контроверзните амандмани поврзани со македонскиот јазик и националниот идентитет.
Особено внимание предизвика настапот на словенечката европратеничка Ирена Јовева, која се обрати на македонски јазик директно до бугарските колеги во парламентот.
„За да постои, на македонскиот народ не му треба ваша дозвола“, им кажа Ирена на своите колеги.
