Фото: Meteoinfo Slovenija
По преминот на студениот фронт преку територијата на Словенија, температурите нагло опаднаа, овозможувајќи ретка јулска појава – снег на највисоките планински врвови во земјата.
Според податоците на словенечката Агенција за животна средина (ARSO), снежната граница се спушти до околу 2.200 метри надморска височина, што е невообичаено за овој период од годината.
На метеоролошките камери поставени на врвовите Кредарица и Канин јасно се забележува снежен покривач, првиот за овој јули, кој ги изненади и љубителите на планинарењето и локалното население.
Највисоката метеоролошка станица во земјата, лоцирана на Кредарица, во 10 часот измерила температура од 0°C, што дополнително потврдува дека условите биле погодни за појава на снег дури и во срцето на летото.
