Фото: Jovica Kukunovski Kukun
Младиот волонтер Иван Кукуновски, кој вчера се соочи со сериозни здравствени последици поради вдишување чад за време на гаснење на голем пожар, се наоѓа во стабилна состојба и е згрижен на Клиниката за токсикологија во Скопје.
Веста ја потврди неговиот татко, Јовица Кукуновски, кој изрази благодарност до медицинскиот персонал и сите што пружиле поддршка.
Иван бил дел од тимовите што повеќе од едно деноноќие пожртвувано се бореле со пожарот кој зафатил ридско-планински терен во општина Чучер-Сандево.
„По 24 часовната борба со огнената стихија мојата борба како родител продолжува на друг фронт со мојата прва радост. Го победивме огнот ќе го победиме и ова сине Иване“, објави таткото.
