Фото: Принтскрин
По спектакуларното финале на музичкото шоу „Ѕвездите на Гранд“, каде што ја освои титулата за која сонуваат илјадници млади таленти, Македонецот Никола Станишиќ триумфално се врати дома, носејќи ја победата со себе. Со освоени 138.714 гласа, тој стана првиот натпреварувач од Македонија кој ја понесе оваа престижна титула. Во ексклузивно интервју за медиумите, Никола искрено зборува за своите емоции, поддршката што ја доби и на кого му ја посветува победата.
Никола, како се чувствуваш откако ја освои титулата за која многумина сонуваат?
Не знам што да ви кажам, се чувствувам прекрасно. Сега мешам македонски и српски, извини, но благодарам на сите што гласаа. Искрено, не очекував да добијам толку многу гласови.
Признај – дали сепак очекуваше да победиш, бидејќи беше единствениот претставник од Македонија?
Што да кажам… сега ме остави без зборови, но можам да кажам дека го очекував тоа бидејќи имав голема поддршка од Македонија. Сепак, не очекував баш прво место. Го добив она што го сакав – цела Македонија и целиот Балкан дознаа за мене, и тоа ми беше најважно. Останатото е во рацете на Бога.
На кого ја посветуваш победата?
На мојата мајка, која секогаш беше тука за мене.
