Фото: Орце Ѓорѓиевски - Orce Gjorgjievski
Актуелниот градоначалник на општина Кисела Вода, Орце Ѓорѓиевски, ќе биде кандидатот на ВМРО-ДПМНЕ за градоначалник на Град Скопје на претстојните локални избори кои ќе се одржат во октомври. Оваа одлука денеска ја донесе Извршниот комитет на партијата.
Во својата прва изјава по кандидатурата, Ѓорѓиевски испрати силна порака до скопјани, ветувајќи посветена и теренска работа.
„Подготвен сум да го воскреснам Скопје, ќе останам близок со народот, а од мене не очекувајте да бидам салонски политичар, ќе ме гледате на терен, ќе работам максимално посеветено“, кажа актуелниот градоначалник на Кисела Вода.
