Никола: Првото финале без Сале, беше празно, но го почувствувавме тој дух што беше со нас

Никола Станишиќ, победникот на овогодинешната сезона на „Ѕвездите на Гранд“, откри детали за своето искуство во шоуто и блиската соработка со својата менторка, фолк-ѕвездата Цеца Ражнатовиќ. Тој изрази голема благодарност за нејзината поддршка и совети, особено за идејата да изведува македонски песни кои оставија силен впечаток кај публиката.

Во разговорот Никола се осврна и на улогата на Саша Поповиќ кој ги создаде „Ѕвездите на Гранд“.

„Ова беше првото финале без Сале, беше празно, но го почувствувавме тој дух што беше со нас. Сузана вели дека е премногу горда, разговаравме, но заборавив што ми кажа. Синоќа разговарав со Цеца, имаме некои датуми за нејзините концерти, сега ми е чест што ми ги покажа датумите на концертите каде што можам да бидам нејзин гостин. Наскоро доаѓам за Македонија“, кажа Никола.