Фото: Принтскрин
Големото финале на музичкото шоу „Ѕвездите на Гранд“ вечерва кулминираше со триумф на 25-годишниот Никола Станишиќ од Македонија, кој со 138.714 освоени гласови ја понесе титулата победник во годинашната сезона.
Никола, кој настапуваше под менторство на Цеца Ражнатовиќ, го освои срцето на публиката со своите настапи и искрената емоција што ја пренесе на сцената. Токму гласовите на публиката беа клучни за неговата победа, со што тој го остави зад себе силниот натпреварувачки состав во финалето.
„Благодарност до сите што гласаа за мене, особено на мојата Македонија и на мојата менторка Цеца која веруваше во мене од самиот почеток“, изјави Никола.
