Фото: Принтскрин
Македонецот Никола Станишиќ е победник на големото финале од музичкото шоу „Ѕвездите на Гранд“, што се одржа вечерва во Белград. Со освоени 138.714 гласови, Никола го освои првото место и стана новата музичка ѕвезда на Балканот.
Младиот пејач, кој беше дел од тимот на Цеца Ражнатовиќ, покажа извонредна вокална подготвеност, емоционални настапи и искрена поврзаност со публиката. Неговата победа е резултат на напорна работа, посветеност и силна поддршка од гледачите, особено од неговата родна Македонија.
Покрај престижната титула и признанието, Никола доби и вредни награди – автомобил „Фиат Типо“, како и целосен маркетинг пакет што ќе му овозможи подобар старт во професионалната музичка кариера.
