Фото: Принтскрин
До вторник нашата земја ќе биде под влијание на топлотен бран, со екстремно високи дневни температури кои на одделни места ќе надминат дури 40 степени Целзиусови.
Сепак, утре попладне и во вечерните часови се очекува развој на нестабилна атмосфера, особено во западните и централните делови на земјата. Ќе има локални врнежи од пороен дожд проследени со грмежи, а можно е и краткотрајно невреме со засилен ветер и ретка појава на град.
Во делови од котлините, исто така, постои ризик од изолирани временски неприлики, при што се очекува засилување на ветерот и интензивни врнежи на краток рок.
Метеоролозите апелираат на внимателност, особено при појава на електрични празнења. Се препорачува граѓаните да избегнуваат престој на отворено и да не се засолнуваат под осамени дрвја, метални конструкции или во близина на вода, со цел да се избегне ризик од удар на гром.
