Фото: Принтскрин
Вечерва се одржува големото финале на музичкото натпреварување „Ѕвездите на Гранд“, каде што 20 финалисти се борат за престижната титула и првото место. Атмосферата е напната, публиката е возбудена, а сцената блеска од талент и емоции.
По првиот круг од гласањето, натпреварувањето го напуштија осуммина учесници, додека преостанатите 12 добија шанса да продолжат понатаму. Меѓу нив е и Никола Станишиќ — единствениот претставник од Македонија, кој и вечерва го освои срцето на публиката и жирито.
Никола успешно го помина и вториот пресек, со што се пласираше меѓу шестмината најдобри кандидати во финалето. Во својот настап пред пресекот, тој ја изведе емотивната песна „Ај да беше стрела песнава“ од легендарниот Гоце Арнаудов, добивајќи аплаузи и позитивни реакции од сите страни.
