(Видео) Спасувачка мисија: Се урна авион во Турција – пилотот загина, патничката е преживеана

Спасувачките служби утринава го лоцираа урнатиот едномоторен авион кој исчезна синоќа над планинска област во близина на границите меѓу турските региони Ерзурум, Бајбурт и Ризе. За жал, во несреќата животот го загуби пилотот, додека единствената патничка преживеа со телесни повреди.

Гувернерот на Ризе, Ихсан Селим Бајдаш, информираше дека станува збор за летало од моделот M20J, кое полетало од градот Ескишехир и се упатило кон источното подрачје на земјата. Контактот со авионот бил изгубен на неколку километри пред целта, а потрагата била активирана веднаш по пријавувањето на исчезнувањето.

Остатоците од леталото биле пронајдени во 6:24 часот изутрина во изолиран и тешко достапен планински предел. Екипите за пребарување и спасување се соочиле со сериозни предизвици поради непристапниот терен и густата вегетација.

Видео: Anadolu Ajansı