Фото: Принтскрин
По денешниот пораз на парламентарното гласање во врска со одржувањето консултативен референдум за зголемување на трошоците за одбрана, словенечката владејачка партија „Движење за слобода“ најави дека ќе иницира сопствен референдум, овојпат за членството на земјата во НАТО, пренесе словенечката новинска агенција СТА.
„Ова е прашање од стратешко значење, и веруваме дека граѓаните треба директно да се изјаснат за него“, соопшти партијата, додавајќи дека формалната иницијатива ќе биде поднесена во текот на следната недела.
Словенечкиот премиер Роберт Голоб, преку официјалниот профил на Владата на социјалната мрежа X, изјави: „Изборот е јасен – или остануваме членка на НАТО и ги прифаќаме обврските што тоа ги носи, или се повлекуваме од алијансата. Сè друго е политичка манипулација и заведување на јавноста.“
Оваа изјава следуваше по гласањето во Народното собрание, на кое беше прифатен предлогот на Левицата, една од коалициските партии во владата, за распишување консултативен референдум во врска со зголемувањето на буџетот за одбранбени трошоци.
Predsednik vlade 🇸🇮 dr. Robert Golob:
— Vlada Republike Slovenije (@vladaRS) July 4, 2025
"Koalicija SDS, NSi in SD je danes potrdili odločitev o novem nesmiselnem referendumu.
Da se odpravi vsak dvom o resnični volji ljudstva, bo Svoboda naslednji teden vložila svojo referendumsko pobudo in sicer glede članstva Slovenije v…
