„НАТО може да се распадне“, предвидува Лавров

Рускиот министер за надворешни работи, Сергеј Лавров, изјави дека Москва има намера да ја намали буџетската потрошувачка за одбрана, нагласувајќи дека спротивниот пристап на НАТО, кој предвидува зголемување на воените трошоци, би можел да има сериозни последици по стабилноста на самата Алијанса. Според него, оваа стратегија може да резултира со нејзин внатрешен колапс.

Изјавата доаѓа по неодамнешниот самит на НАТО во Хаг, на кој лидерите на земјите-членки го прифатија предлогот на американскиот претседател Доналд Трамп за зголемување на трошоците за одбрана на најмалку 5% од бруто-домашниот производ до 2035 година.

Со тоа, Алијансата испрати јасна порака за заедничка одбранбена подготвеност, особено во контекст на заканите кои доаѓаат од Русија.