Фото: Принтскрин
Во една од фејсбук групите посветени на старите скопјани, членка на групата револтирано сподели фотографија која предизвика бројни реакции. На неа се гледаат две станбени згради изградени на исклучително мала меѓусебна оддалеченост — толку блиску што, како што саркастично се коментира, жителите би можеле да си подаваат кафе или да си одат „на гости“ преку прозорец.
Според нејзината објава, контроверзните згради се наоѓаат на подрачјето на Бит Пазар, а фотографијата ја отвори темата за урбанистичкиот хаос, недостигот на простор и заобиколување на градежните прописи.
