Фото: Принтскрин
Турција се соочува со катастрофални пожари кои зафатија шумски и населени подрачја, при што досега оваа година огнот уништил речиси 19.000 хектари земјиште ширум земјата. Само од петокот наваму избиле 263 пожари.
Спасувачките екипи евакуираа повеќе од 50.000 лица, главно од западната турска провинција Измир, додека пожарникарите се бореа со серија пожари, соопшти во понеделникот Агенцијата за справување со вонредни ситуации (AFAD).
– Вкупно повеќе од 50.000 граѓани од 41 населено место беа привремено префрлени на безбедни локации – објави AFAD на платформата Х, додавајќи дека 79 лица биле погодени од чад и други проблеми поврзани со пожарите, но никој не е тешко повреден.
