Фото: Принтскрин
Претседателот на Украина, Володимир Зеленски, донесе одлука со која официјално ја започна процедурата за повлекување на земјата од Конвенцијата од Отава – меѓународен договор што забранува употреба, складирање, производство и трансфер на противпешадиски мини.
Веста ја пренесе агенцијата Ројтерс, повикувајќи се на официјалното соопштение објавено на веб-страницата на украинскиот претседател.
Украина ја ратификуваше оваа конвенција во 2005 година, но сега, во услови на интензивни воени дејствија на нејзина територија, властите ја преиспитуваат нејзината примена и ефективност.
