Фото: Фејсбук
Каратистот Љупчо Михајлов, член на КК Штип, се закити со бронзен медал на престижниот турнир „Карате 1 – Младинска лига“, што се одржа во Пореч, Хрватска, во категоријата до 21 година.
Михајлов имаше извонреден настап, забележувајќи пет убедливи победи и само еден пораз, со што за малку не стигна до финалето и борба за златото.
Неговата посветеност, техничка подготвеност и спортска зрелост беа видливи во секој меч, а бронзениот медал претставува уште едно значајно меѓународно признание во неговата кариера.
