САД ќе објави нова „црна листа“ – ќе има ли нови лица од Македонија?

Со продолжување на вонредните мерки воведени уште во 2001 година од тогашниот претседател Џорџ Буш, актуелниот американски претседател Доналд Трамп испраќа јасна порака – стабилноста и безбедноста на Западен Балкан остануваат стратешки приоритет за Вашингтон.

Како дел од оваа стратегија, американските власти работат на нова проширена „црна листа“, која ќе ги таргетира поединци и организации што, според проценките на администрацијата, активно го поткопуваат мирот, демократските институции и владеењето на правото во регионот – со фокус на Македонија, Босна и Херцеговина и Косово.

Листата ја составува Канцеларијата за контрола на странски средства (OFAC), тело при Министерството за финансии на САД.