Вучиќ: Очекуваме насилство, но тоа нема да биде добро за блокадите – ние ќе ја браниме Србија

Претседателот на Србија, Александар Вучиќ, денеска испрати силна порака по повод најавите за блокади и евентуални немири што се очекуваат вечерва во Белград, во пресрет на Видовдан – еден од најзначајните симболични датуми во српската историја.

Во изјава дадена од Палатата на Србија, Вучиќ истакна дека државата е целосно подготвена да се справи со евентуални насилства и обиди за дестабилизација, најавени од страна на организаторите на протестите.

„Ќе има насилство. Нема да можат да се извлечат од тоа, но верувам дека некаде, бидејќи се работи за бесмислени говори, кој ќе ги слуша Бодирог, Кокановиќ, тој несреќен Перишиќ и така натаму. Па кој, никој, бидејќи што имате да чуете, од пишани говори, бидејќи не се во можност ни пет реченици да кажат за себе. Тоа не е особено важно, ниту нешто слично. Според нашата проценка, од 15 до 21, до 15 до 22 очекуваат да започне насилство, но ние сме подготвени“, кажа Вучиќ.