Фото: Принтскрин
Министерката за финансии Гордана Димитриеска Кочоска на денешната прес-конференција, посветена на годишниот извештај за сработеното во ресорот, потврди дека пензиите ќе продолжат да растат и во втората половина од годината – согласно законската обврска за нивно редовно усогласување на секои шест месеци.
И покрај тоа што пензионерите веќе добија линеарно зголемување од 5.000 денари, министерката истакна дека Владата останува посветена на системското решение.
„Го вративме старото законско решение, кое беше предвидено и претходно, и ќе продолжиме да го применуваме. Очекуваме по завршувањето на месецот да ги добиеме точните пресметки и да го утврдиме процентот на зголемување што ќе важи до крајот на годината,“ изјави Димитриеска Кочоска.
