Фото: Принтскрин
Директорот на Агенцијата за заштита и спасување, Стојанче Ангелов, во синоќешното гостување во емисијата „Трилинг“ изјави дека трите противпожарни авиони тип ер-трактор се оперативни, но во моментов само еден од нив се наоѓа на територијата на Македонија. Вториот се очекува да пристигне во текот на наредната недела, а третиот ќе се приклучи веднаш потоа.
Ангелов посочи дека бара нови пилоти кои ќе можат да летаат со противпоѓарните авиони.
„Се направија дополнителни сервиси поради староста и користењето од минатите години. Требаше да бидат извршени некои дополнителни сервиси, за леталата да бидат безбедни. Следната недела ќе се потпише договор со двајцата пензионирани пилоти на ер-трактори и со тоа ќе имаме тројца пилоти на располагање. Веќе работам на наоѓање на нови пилоти и можам да кажам дека со двајца имам договорено од есен да се стартува со обука“, кажа Ангелов.
