Фото: Принтскрин
Градоначалничката на Скопје, Данела Арсовска, преку саркастичен и остар коментар на социјалната мрежа Фејсбук, изнесе сериозни обвинувања против градоначалникот на Чаир, Висар Ганиу, и поранешниот министер за образование, Ејуп Адеми.
Таа алудира дека овие двајца функционери му овозможиле легализација на објект на лице за кое, според доставената документација, постои индиција дека започнало со изградба на зграда на само петгодишна возраст. Арсовска го нарече случајот апсурден и недозволив, укажувајќи на сериозни пропусти и можни злоупотреби во процесот на легализација.
„На 20.05.2025 година ВИСАР ГАНИУ и ЕЈУП АДЕМИ му овозможиле легализација на ЈАСИН САДИКИ, врз основа на барање кое го доставил до општина Чаир кога имал 6 години, за зграда која ја градел кога имал 5 години.
Јасин САДИКИ е внук на Азем САДИКИ, градоначалникот на Студеничани. Сигурно Азем е исклучително горд на достигнувањата на својот внук. Веројатно и вие би биле да имате внуци што градат на 5 години“, објави Арсовска.
