Фото: Принтскрин
Осумдесет и тригодишна жена од Скопје била жртва на телефонска измама, при што изгубила 30.000 евра, информира Министерството за внатрешни работи.
Непознато лице ѝ се јавило претставувајќи се како лекар, тврдејќи дека нејзината ќерка наводно доживеала тешка сообраќајна несреќа и дека итно ѝ е потребна хируршка интервенција.
Во состојба на паника и страв за здравјето на блиската личност, жената се согласила да даде пари за наводната операција. Договорила средба со маж на возраст од околу 60 години, на кого лично му ги предала 30.000 евра. Дури по испораката на парите сфатила дека станува збор за измама.
Случајот бил пријавен во полиција на 25 јуни, околу 18:30 часот, и е отворена истрага за идентификација и пронаоѓање на сторителот.
