Фото: Ognen Stefanovski/Facebook
Огнен Стефановски испиша историја во македонската атлетика, станувајќи првиот атлетичар од земјава што успеал да прескокне четири метри во дисциплината скок со стап.
На Европското екипно првенство кое се одржа во Марибор, Стефановски забележа скок од 4,05 метри, со што не само што ја мина психолошката бариера од 4 метри, туку и го собори националниот рекорд стар повеќе од половина век.
Претходниот рекорд, поставен уште во 1968 година, беше еден од најдолговечните во македонската атлетска историја.
