Трамп одбил помош од Путин: Ми треба помош со тебе, а не со Иран

Американскиот претседател Доналд Трамп откри дека ја одбил понудата од рускиот претседател Владимир Путин за посредување во израелско-иранскиот конфликт, посочувајќи дека неговиот приоритет останува на пронаоѓање решение за војната во Украина. Оваа информација ја сподели самиот Трамп за време на летот кон Холандија, каде што ќе учествува на Самитот на НАТО.

Според него, фокусот на Вашингтон не е на Блискиот Исток, туку на ситуацијата во источна Европа. „Би сакал да видам мировен договор со Русија. Тоа е она што навистина е важно во овој момент“, изјави Трамп пред новинарите кои патуваа со него.

Тој истакна дека неодамна разговарал телефонски со рускиот претседател Путин, кој му понудил помош во врска со тензиите меѓу Иран и Израел. „Владимир ми се јави и рече: ‘Можам ли да помогнам околу Иран?’ Јас му одговорив: ‘Не, не ми треба помош околу Иран. Ми треба да помогнеш со Украина. И се надевам дека ќе успееме да постигнеме договор меѓу нашите земји’“, рече Трамп.