Мајката на загинатата Моника во пожарот во Кочани: Додека сум жива, ќе се борам за правда

Верица Трифунова, мајката на трагично загинатата Моника Спасова во пожарот што избувна во ноќниот клуб „Пулс“ во Кочани, се огласи на социјалната мрежа Фејсбук по повод навршени 100 дена од немилиот настан.

Во својата емотивна објава, Трифунова ги сподели болката и тагата што не згаснуваат, но и сеќавањата на својата ќерка, чиј живот прерано беше згаснат во кобната вечер. Таа упати и јасен повик за правда, барајќи од институциите да не молчат и да преземат одговорност за трагедијата која го потресе целото општество.