„Панчо ќе направи концерт во чест на жртвите во трагедијата во Кочани“, откри Перо Антиќ

Поранешниот македонски кошаркар Перо Антиќ, во своето неодамнешно гостување во поткастот на Бојан Јовановски – Боки 13, откри трогателна и искрена приказна за телефонскиот разговор што го имал со Панчо од музичкото дуо ДНК.

Панчо, кој моментално се наоѓа во болнички третман, се опоравува од сериозните повреди здобиени во трагичната несреќа што неодамна ја потресе Кочани и целата македонска јавност.

„Зборував со Панчо телефонски и ќе цитирам што ми рече веднаш: Прво што ќе направам кога ќе излезам од болница е да направам концерт во чест на сите загинати и повредени од трагедијата во Кочани“, изјави Антиќ.