Фото: Принтскрин
28-годишен жител на скопската населба Драчево е сместен во притвор, откако на социјалните мрежи се појави вознемирувачко видео на кое се гледа како физички ја напаѓа својата четиригодишна ќерка.
Снимката, која ја објави мајката на детето, прикажува како мажот го удира детето по лицето додека лежи беспомошно на креветот. Ова видео сега претставува клучен доказ во истрагата што ја води Основното јавно обвинителство.
Надлежните институции веќе постапуваат, а јавноста со згрозеност реагираше на овој чин на семејно насилство, барајќи најстроги санкции за насилникот.
