Фото: Принтскрин
Напаѓачот кој вчера се разнел во православната црква „Свети Илија“ на периферијата на Дамаск бил член на Исламската држава. Според медиумските извештаи, тој отворил оган за време на неделната литургија пред да се разнесе.
По нападот, во црквата настанала паника. Исплашените верници не знаеле каде да поминат од крвта која била насекаде.
Припадниците на Цивилната безбедност, кои пристигнале на местото на настанот, затекнале сцена како од хорор филм и изјавиле дека одамна не виделе такви сцени.
– Од падот на режимот, никогаш не сум видел нешто слично. Некои тела се целосно уништени – изјавил еден од нив. Некои икони биле откинати од ѕидовите од куршуми, оставајќи траги од удари на ѕидовите.
Член на групата Исламска држава стои зад нападот со бомба во црквата во Дамаск, изјави сирискиот министер за внатрешни работи. Во моментот на нападот во црквата имало неколку стотини луѓе.
Бројот на загинати во нападот на бомбашот самоубиец во црквата „Свети Илија“ во Дамаск се искачи на 22 лица, додека 63 се повредени, соопшти денеска сириското Министерство за здравство.
