Фото: Принтскрин
На 20 јуни 2025 година, околу 14:00 часот, во Секторот за внатрешни работи Скопје било пријавено нарушување на јавниот ред и мир со физичка пресметка на улицата „Јадранска Магистрала“, во близина на клучката „Приштина“.
Според информациите, до инцидентот дошло по претходно недоразбирање во сообраќајот, при што конфликтот ескалирал во тепачка меѓу две групи лица. Од едната страна биле М.В. (32) и Ш.В. (46) од село Добрино, како и М.В. (25) од Скопје, а од другата страна биле Р.М. (19) и А.М. (25), исто така од Скопје.
По интервенцијата на надлежните служби и целосното документирање на случајот, против сите вклучени се поднесени соодветни поднесоци согласно законските процедури.
