„Удри раката на злото“: Патријархот Јован за нападот на црквата во Дамаск

За време на вечерната богослужба во црквата во Дамаск, одекнала силна експлозија. Антиохиската патријаршија го повика светот да не ги свртува очите од мачеништвото и страдањето на православните верници.

На 22 јуни 2025 година, на овој значаен црковен празник, во Дамаск се случи незапаметена трагедија – за време на вечерната служба во православната црква „Свети пророк Илија“ избувнала разорна експлозија која одзела животи на голем број верници и повредила десетици други. Додека ѕвоната одекнувале во чест на светителите на Антиохиската црква, злобна и подмолна рака донела смрт во светиот храм.

Антиохиската патријаршија на Истокот, длабоко потресена од овој страшен чин, упатила јавно соопштение исполнето со тага, молитва, но и со непоколеблива вера.

– Вечерва, на 22 јуни 2025 година, на празникот, удри подмолната рака на злото… – со овие зборови започнува драматичното соопштение на Антиохиската патријаршија, објавено веднаш по трагичниот настан во црквата „Свети пророк Илија“ во Дамаск. Во моментот кога православните верници се собирале на вечерна богослужба за да им оддадат почит на светителите од своето духовно наследство, експлозијата ја прекинала молитвата и ја обвиткала црквата во црнина – стои во соопштението на Патријаршијата.

Целиот текст може да се прочита ТУКА.