Фото: Принтскрин
Евакуацијата на македонските државјани од Израел засега е оневозможена поради затворањето на аеродромот „Бен Гурион“ и суспендирањето на воздушниот сообраќај, информираше Амбасадата на Република Северна Македонија во Тел Авив.
„Во моменталната безбедносна ситуација, не постојат услови за организирана авионска евакуација преку аеродромот во Тел Авив. Сепак, на граѓаните им е достапна алтернативна можност за заминување преку морски пат од пристаништето Ашдод до Лимасол, Кипар“, соопштуваат од амбасадата.
Како најизвесна опција се посочува патничкиот брод „Crown Iris“, кој според најавите ќе исплови од Ашдод на 27 јуни (петок) во 12:00 часот. Бродот има капацитет за 1.500 патници, а билетите се достапни преку официјалната страница на компанијата „Mano Shipping“.
