Фото: Принтскрин
САД извршија воздушни напади врз три ирански нуклеарни локации – Фордо, Натанц и Исфахан, соопшти американскиот претседател Доналд Трамп преку својата социјална мрежа Truth Social.
„Нашата операција против трите клучни нуклеарни објекти во Иран е успешно завршена. Фордо, Натанц и Исфахан беа цел на прецизни удари. Сите наши летала веќе го напуштија иранскиот воздушен простор“, објави Трамп.
Тој нагласи дека врз објектот во Фордо бил испуштен „полн арсенал бомби“, при што воениот ангажман завршил без загуби од американска страна.
