Фото: Принтскрин
Пакистан официјално објави преку социјалната мрежа „Икс“ дека американскиот претседател Доналд Трамп заслужува да биде добитник на Нобеловата награда за мир во 2026 година. Како што се наведува, ова признание би било во чест на неговата „решителна дипломатска интервенција и клучна лидерска улога“ за време на последната безбедносна криза меѓу Индија и Пакистан.
Иако индиските власти досега негирале дека Трамп имал директна улога во намалувањето на тензиите, поранешниот американски претседател повеќепати јавно изјавувал дека токму неговата дипломатска иницијатива била клучна во смирувањето на двете нуклеарни сили, пренесува американското списание „Њузвик“.
Објавата на Пакистан доаѓа откако Трамп, одговарајќи на новинарско прашање во врска со Нобеловата награда, рече дека ја заслужува наградата поради неколку меѓународни иницијативи. Тој посочи на неговата улога во нормализирањето на односите меѓу Србија и Косово, посредувањето во тензиите меѓу Индија и Пакистан, како и напорите за потпишување на мировен договор помеѓу Демократска Република Конго и Руанда, кој, според него, треба да биде официјализиран во понеделник.
