Фото: Принтскрин
На 20 јуни 2025 година, околу 10:51 часот, на делницата од магистралниот пат Гостивар – Тетово, во близина на клучката Камењане, полициски службеници од Секторот за безбедност на патниот сообраќај при Полициската станица Тетово го привеле 29-годишниот Б.М. од селото Пирок, општина Боговиње.
При рутинска сообраќајна контрола и извршени дополнителни мерки, било утврдено дека тој управувал патничко моторно возило од марката „Ауди“ со германски регистарски ознаки со брзина од дури 190 километри на час – на место каде што максимално дозволената брзина изнесува само 80 километри на час.
Возачот веднаш бил лишен од слобода и спроведен во полициска станица за понатамошна постапка.
