Фото: Принтскрин
Хрватскиот премиер Андреј Пленковиќ соопшти дека остварил разговор со својот македонски колега Христијан Мицкоски, при што разговарале за билатералната соработка, европската перспектива на Македонија и актуелните случувања во регионот.
Во објава на социјалните мрежи, Пленковиќ ја реафирмираше поддршката на Хрватска за евроинтегративниот процес на Македонија, нагласувајќи дека земјата заслужува да напредува на патот кон полноправно членство во Европската Унија.
„Со премиерот Христијан Мицкоски разговарав за понатамошната динамика на европскиот пат на Македонија, за претстојниот Извештај на Европскиот парламент за напредокот и состојбата во Југоисточна Европа. Хрватска ќе продолжи силно да ја поддржува Македонија, која заслужува членство во ЕУ“, напиша Пленковиќ.
