Фото: Принтскрин
Од ноќеска на полноќ, малопродажната цена на дизел горивото ќе се зголеми за 2 денари, па од утре граѓаните ќе го плаќаат по цена од 72 денари за литар.
Според новата одлука на Регулаторната комисија за енергетика, цените на останатите горива остануваат непроменети. ЕУРОСУПЕР 95 и понатаму ќе се продава по 76 денари за литар, додека литар ЕУРОСУПЕР 98+ ќе чини 78 денари.
Исто така, нема промени ниту кај цената на екстра лесното масло за домаќинство, кое останува 70 денари за литар, како и кај мазутот, чиишто цена и понатаму изнесува 40,9 денари за килограм.
