Фото: Принтскрин
Привремениот градоначалник на Кочани, Венко Крстевски, попладнево направи необичен потег – лично посети пицерија во центарот на градот, за која тврди дека е нелегално изградена, и од таму се вклучи во живо на „Фејсбук“.
Со ова, Крстевски испрати јасна порака дека е решен да стави крај на сите бесправно изградени угостителски објекти во Кочани, иако, како што истакна, се соочува со силен отпор од одредени локални бизнисмени и влијателни луѓе.
Во видеото што го објави на социјалните мрежи, Крстевски седна на маса со сопственикот на пицеријата и јавно го посочи како долгогодишен пријател. Но, подвлече дека личните односи нема да му бидат пречка во спроведувањето на законот.
