(Видео) Автомобил прегази две лица во Охрид – ова се првичните детали

Синоќа во Охрид се случи сериозна сообраќајна несреќа, откако патничко возило од марката „Голф“ излетало од коловозот на булеварот „Туристичка“ и влегло во пешачката зона во близина на средното училиште – Гимназијата.

Според информации од очевидци и локални медиуми, автомобилот се забил во заштитната ограда, а во моментот на инцидентот во близина имало неколку пешаци. Неофицијално, неколку лица се здобиле со потешки телесни повреди.

Засега не се објавени официјални информации за нивната здравствена состојба, ниту за причините кои довеле до губење контрола над возилото. Надлежните институции извршија увид на местото на настанот и се очекува дополнителни информации да бидат објавени во текот на денот.

Видеото може да се погледне на профилот „Роберто Навали“ на Инстаграм.