Фото: Принтскрин
Просечната исплатена нето-плата по вработен во месец април 2025 година достигнала 45.452 денари, што претставува раст од 10,6 проценти во споредба со истиот период минатата година, информира Државниот завод за статистика.
Според официјалните податоци, најзначајно влијание врз зголемувањето на просечната плата имале секторите здравство и социјална заштита, каде е забележан раст од 14,7 проценти, образованието со зголемување од 14,4 проценти, како и административните и помошни услужни дејности, каде платите пораснале за 13 проценти.
Зголемување на платите е забележано и во споредба со претходниот месец – март 2025 година. Највисок месечен раст е регистриран во секторот информации и комуникации, каде платите пораснале за 4,2 проценти, потоа во административните и помошни услуги со раст од 3,9 проценти, и во здравството и социјалната заштита каде порастот изнесува 3,8 проценти.
Истовремено, просечната месечна бруто-плата по вработен за април 2025 година изнесувала 68.294 денари, покажувајќи тренд на континуиран раст во повеќе клучни економски сектори.
