Фото: Принтскрин
По неколку дена во кои жители на скопската населба Козле пријавуваа присуство на чопор лисици кои се движат по улиците, утрово е забележан нов случај на појава на лисица – овојпат на сосема друга локација.
Станува збор за подрачјето околу Природно-математичкиот факултет во Гази Баба, каде минувачи снимиле една лисица како се движи низ зелените површини во близина на зградите на факултетот.
Жителите на Козле веќе некое време се вознемирени од ваквите појави, бидејќи дел од лисиците, според нивни тврдења, станале агресивни и нападнале домашни миленици. Тие стравуваат и за безбедноста на децата и бараат од надлежните институции да реагираат итно.
Фото: Принтскрин
